Fundazioak, Kutxa Fundazioak eta Gipuzkoako Foru Aldundiak bultzatuta, lurraldean teknologia aurreratuen garapena sustatzeko lanari ekin dio.
Deeptek Gipuzkoa Fundazioak bere lehen bi deeptech proiektuen finantzaketa onartu du, guztira 700.000 euroko inbertsioarekin (350.000 euro proiektu bakoitzeko). Fundazioa Gipuzkoako Foru Aldundiak eta Kutxa Fundazioak sustatzen dute, eta helburu hau du: ekimen teknologiko disruptiboak detektatu, finantzatu eta laguntzea merkaturako bidean.
Proiektu hauek onartu dira:
DEVELOPAIR: segurtasuna kritikoa den sektoreetan software txertatuaren sorkuntza automatizatzeko tresnen garapena.
PETAOPTIK: txip ultralasterren diseinua terabitezko haririk gabeko sarbide optikoko sareetarako eta zarata txikiko anplifikadoreen (LNA) garapena konputazio kuantikorako.
Proiektuak finantzatzeaz gain, Deeptek Gipuzkoa Fundazioak bikaintasunaren kultura sustatu nahi du ikerketan, transferentzia teknologikoan eta berrikuntzan. Gizartea ere sentsibilizatu nahi du deeptech sektorearen garrantzi estrategikoaz.
Konputazio kuantikoa, adimen artifiziala, robotika eta bioteknologia bezalako teknologiek gero eta pisu handiagoa duten testuinguru honetan, ekimen honek indartu egiten du Gipuzkoa lurralde berritzaile eta lehiakor gisa posizionatzea.
