Programak 60.000 eurorainoko finantzaketa eta inkubazio zerbitzuak eskaintzen ditu, emakuzmekoen sportech-ean fokua duen edo, oro har, kirol industrian aplikagarria den soluzio teknologiko bat duten proiektuetarako.
Sportek Hubek sportech eremuko ekintzaileei eta startupei zuzendutako deialdi berri bat ireki du, kirolaren industriari aplika dakizkiokeen soluzio teknologikoak identifikatzeko eta babesteko.
Edizio honetan, gainera, programak emakumeen sportech-a bultzatzen duten ekimen berritzaileak sustatu nahi ditu
Hautagaitzak aurkezteko epea ekainaren 30etik uztailaren 21era bitartean egongo da zabalik, 60.000 eurorainoko laguntzekin, BIC Gipuzkoak kudeatzen dituen Ekintzaile eta Txekintek programa publikoen bidez, proposamenen bideragarritasun teknikoa, finantzarioa eta merkatuarena aztertzeko.
Programak finantzaketa, mentorizazio aditua, inkubazio espazioak eta euskal kirol ekosistemarekiko lotura eskaintzen ditu. Aplikazio-eremuak honako hauek dira: osasuna eta ongizatea, nutrizioa, kirol digitala, kirol-espazio adimendunak, management eta material berriak. Deialdia zabalik dago fase goiztiarrean dauden startupentzat, kirolean teknologia aplikatu nahi duten edo beren irtenbideak beste industria batzuetatik sektore horretara migratu nahi dituzten banakako ekintzaileentzat eta enpresentzat.
Ekimena Gipuzkoa eta bere enpresa sarea kirol berrikuntzaren lurralde bultzatzaile gisa kokatzeko estrategiaren barruan kokatzen da, aliantza publiko-pribatu bati esker, non Eusko Jaurlaritza, Gipuzkoako Foru Aldundia, Eibarko eta Donostiako udalak eta Real Sociedad fundazioa sartzen diren, BIC Gipuzkoa organo kudeatzaile gisa hartuta
Abian jarri zenetik, Sportek Hubek Wellk, Glucovibes edo Ekhaitek bezalako proiektuak bultzatu ditu, kirolari aplikatutako osasunaren edo datuen analisi adimendunaren arloan oinarritutako soluzioekin. Garapen teknologikoak ere lagundu ditu, hala nola Dnak-enak, zeinak txirrindularitza indoorraren esperientzia birdefinitzen duen, edo Diston-ena, zeinak material berri bat garatu duen eskiaren praktikan sortutako urradurei aurre egiteko babesa emateko.
Sportek Hubek, gainera, MVPak baliozkotzeko laborategiak eta ekosistemako beste eragile batzuekiko konexioak eskaintzen ditu. Euskadiko berrikuntza-sarearen barruan aholkularitza estrategikoa eta ikusgarritasuna emanez osatzen da proposamena.
Hautagaitzak inprimaki honen bidez erregistratuko dira, 2025eko uztailaren 21era arte.
